Lam lơh broă lơh lơh broă mờ lơgar ndai sền gàr dà lơgar nam 2024, drim ngai 06/8, tàm Hà Nội, Đại tướng ồng Phan Văn Giang, Kwang geh jơng tàm Ƀộ Cíñ trị, Phó Ƀí thư Quân ủy dà lơgar, Ƀộ trưởng Ƀộ Ling klàng neh đơng lam dơ̆ wă mờ pơrjum bơyai mờ Ƀộ trưởng Ƀộ Ling klàng lơgar Nhờk ồng Kihara Minoru.

Tàm dơ̆ pơrjum bơyai, bè gùng dà lơh broă bal tàm tơngai tus, Đại tướng ồng Phan Văn Giang sồr 2 gah pơn jat tai sơlơ tơnguh tai bơta git gơp ling klàng mut tàm tŭ tơngai bơtàu tơnguh pa, geh cồng nha, dipal mờ bơta git gơp “Lơh broă bal jŏ jòng tơl làm tài ring lơngai mờ bơtàu tơnguh tàm câu Á mờ tàm dunia”. Bè broă tàm dà lềng, Đại tướng ồng Phan Văn Giang đơs nền, Việt Nam kơ̆ dơn jat gùng dà bơsong tơl bơta tam pìt tam phà mờ broă lơh ring lơngai jat adat boh lam dunia, jơnau hơ pơrgon tàm tiah do, ngan là UNCLOS nam 1982, Jơnau yal bơr bè broă lơh bơh ală gah dê tàm dà lềng đah mat tơngai lik (DOC) mờ sồr lơh cribơyai Ală bơta pal jat bè broă lơh bơh ală gah dê tàm dà lềng đah mat tơngai lik (COC) ngan ngồn, geh cồng nha.