Cri bơyai tàm dơ̆ wă, Đại tướng ồng Phan Văn Giang đơs nền, lơgar Việt Nam mờ lơgar Malaysia là lơgar rềp bal tàm dà lềng, là lơgar lơh broă bal pràn kơl dang, geh kơnòl tàm hìu bal mpồl ASEAN dê.

Đại tướng ồng Phan Văn Giang dờp cồng nha lơh broă bal đah Ling klàng bàr lơgar tàm tơngai do, mờ ai geh jơnau tàm tơngai tus, Ling klàng bàr lơgar pơn jăt tai lơh tơl, lơh geh cồng nha ală gah broă neh mờ gam lơh; pơlam lơh jăt gùng dà broă cri bơyai broă sền gàr dà lơgar kấp thứ trưởng, lơh geh gùng dà broă lơh nàng pơlam geh ling rơndeh par, tìp bal sĩ quan kơnòm să; lơh pràn broă lơh bal ală gah broă mờ bàr gah geh bơta niam mờ bơta pràn bè: lơh sa mờ măi mok sền gàr dà lơgar, gah lơh sơnơm ling klàng, gàr niam bơta ring lơngai Liên hợp quốk; pơn jăt tai pơlam mờ kờñ bal tàm ală cri bơyai uă lơgar.