Đại tướng ồng Tô Lâm jờng rơ uă ngan bơta pơgồp bal đah Mpồl Lơh kơnòl broă sùm Thàñ ủy ƀòn dờng Hải Phòng mờ Đảng ủy Kwang àng Dà lơgar tàm broă lơh sền gàr lơngăp lơngai, cíñ trị, rơndăp tăp sèng lơngăp lơngai mpồl bơtiàn, rcang lài kơryan mờ cau lơh tìs.

Đại tướng ồng Tô Lâm sồr Ƀan Cấp hàñ Đảng ƀộ ƀòn dờng Hải Phòng jat tàm ală jơnau kờñ bal bơh tơngai lơh broă dê, pơn jat tai lơh pràn bơt bơtàu, lơh niam wơl Đảng sàng goh, pràn kơl dang, kơ̆ kơl jăp, lơh kràñ cê jơh nùs tam gơl wơl sră nggal Dà lơgar, tiah bơcri priă lơh sa kă bro, sơlơ tơnguh nùs nhơm tàm dong tàm kờl bal, dong kờl tơn jơh jơgloh tơrmù rƀah. Bơh tŭ do tus Pơrjum dờng Đảng ală kấp, Hải Phòng pal kờp sền wơl lơh mhar lơh sir ală broă jàu, rcang lơh niam broă lơh kwang bàng, gàr kơ̆ bơta rcang lài, tiah lơi digơlan geh pơhìn aniai, pal tơrgùm lơh niam wơl, kwơ màng sền gròi bơta lơngap lơngai Dà lơgar mờ bơta lơngăp lơngai.