Đơs tàm dơ̆ tìp măt, Ƀộ trưởng ồng Tô Lâm đơs nền, ală jơnau đơs bơh cau tĕ khà dê tàm dơ̆ tìp măt ndrờm đơs ală broă dờng, jơh nùs jơh tồr, rềp mềl ngan mờ tơnggŏ kơnòl gơ wèt mờ dà lơgar; tơnggŏ jơnau kơ̆p kờñ dipal ngan bơh làng bol cau tĕ khà dê, dong anih lơh broă dà lơgar geh bơta sền uă gah, tơl làm, rềp mềl mờ ƀòn lơgar mờ di tŭ geh ală broă lơh bơtàu tơngguh lơh sa- mpồl bơtiàn, tơngguh uă cồng nha sền gàr niam lơngăp lơngai rài kis mpồl bơtiàn ai ală rơnàng làng bol in.

Gơ wèt mờ tơngume cau tĕ khà dan mờ Quôk hội, mờ Cíñ phủ pơn jăt tai sền gròi tus broă dong kờl sền gàr lơngăp lơngai rài kis mpồl bơtiàn, ƀảo hiểm y tế, sơm kham sơm kòp, Ƀộ trưởng ồng Tô Lâm đơs nền: Broă dong kờl sền gàr lơngăp lơngai rài kis mpồl bơtiàn sùm geh Đảng mờ Dà lơgar he sền gròi đơng lam, sồr lơh jăt, ngan là broă lơh sơnơm.