VOV4.K’ho - Drim òr (28/03), Đại tướng Phan Văn Giang, Ƀộ trưởng Ƀộ Quốk phòng neh đơng lam pơrjum kwang đơng lam Ƀộ Quốk phòng nhai 3 nam 2022. Pơrjum sền wơl nhai 3 nam 2022, Thường vụ Quân ủy Dà lơgar, Ƀộ Quốk phòng neh đơng lam, lam sồr lơh jăt tơl ală bơta, ndrờm bal, pràn mờ lơh gơs niam kơnòl, rơndăp broă neh geh ai.

                                           Pơrjum kwang đơng lam Ƀộ Quốk phòng nhai 3 nam 2022

Đơs tàm pơrjum, Đại tướng Phạn Văn Giang sồr tàm nhai 4, gùt ling klàng geh sùm broă sền rơcang lài tam lơh, git ală bơta, yal lài di mờ bơta geh; di tŭ pơlam, bơsong geh cồng nha ală broă gơlik geh, ờ lời gơtìp ờ thàn, ni sơna. Pơgồp bal gàr niam bơta lơngăp lơngai ờ do ờ dă tàm gùt lơgar, bơta tờm là dơ̆ Duh kah bơtau Hùng, ơm rơlô ngai 30 nhai 4 mờ ngai 01 nhai 5; geh sùm broă rơcang dong klàs tàm ală kấp; tơnguh uă broă tàp ling ai ală cau bal mờ mpồl pơrlòng tàp să jan Army Games nam 2022. Mờ rơcang nền nòn, bơyai lơh geh cồng nha dơ̆ tìp bal dunia sền gàr bơta lơngăp lơngai tiah nhàr dà lơgar Việt Nam mờ lơgar Lo dơ̆ 7.

Cau mblàng Ndong Brawl