Đại tướng Tô Lâm còp mờ gờm chờ sa tềp tàm càr Sơn La
Thứ năm, 09:17, 01/02/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Đại tướng Tô Lâm, Kwang bàng Ƀộ Cíñ trị, Ƀộ trưởng Ƀộ Kwang àng bal mờ Mpồl lơh broă bơh Ƀộ Kwang àng pa còp, gờm chờ sa tềp kwang bàng, cau ling mờ làng bol ală jơi bơtiàn càr Sơn La.
Đại tướng Tô Lâm kung sồr tàm nam 2024, càr Sơn La pal pơn jat tai lơh geh cồng nha ală jơnau kờñ Nghị quyết Pơrjum dờng dơ̆ XIII bơh Đảng dê mờ Pơrjum dờng Đảng ƀộ càr Sơn La dơ̆ XV; sền gròi lơh jat niam Kơrnoăt pơgồp bal đah Đảng ủy Kwang àng Dà lơgar mờ ală càr, ƀòn dờng tàm kơnòl broă gàr niam lơngăp lơngai, rơndăp tăp sèng; lơh geh ală bơta bơt bơtàu mpồl Kwang àng Sơn La sàng goh, pràn kơl dang kơ̆ kơl jăp tơl làm.
Di dơ̆ do, Đại tướng Tô Lâm mờ Mpồl lơh broă neh jàu pà 400 bơnah phan pà ai ală hìu bơnhă geh dà kơl hề mờ Dà lơgar, cau geh màng mờ dà lơgar, hìu bơnhă rƀah, kwang bàng, cau ling gam lơh broă tàm mpồl Kwang àng lơh broă tàm ù tiah kơnhoàl Phù Yên dê; jàu pà dùl nơm rơndeh sơnơm ai Hìu sơnơm kơnhoàl Phù Yên in.
Viết bình luận