VOV4.K’ho- Kwang đơng lam bồ Kụk atbồ drà kă bro càr Dăk Lăk pà git, tềng đap bơta geh ngan uă anih tac xăng zờu tàm gùt lơgar til mpồng, ờ tac xăng zờu, mpồl atbồ drà kă bro càr Dăk Lăk neh sơlơ tơnguh broă atbồ ală tiah, gròi sền bơta geh ngan broă tac bro xăng zờu tàm càr mờ sền gŏ uă anih tac xăng zờu til mpồng. Mùl màl, mpồl atbồ drà kă bro neh git gŏ 19 anih tac xăng zờu ơm rlô ing, ơm ờ tac tai. Tàm hơ̆, geh 16 anih jơh xăng zờu, 3 anih ơm ờ tac tài bơh cau tac xăng zờu gơtìp kòp, cau tờm anih tac xăng zờu là F1 mờ ờ niam ding ƀồm xăng zờu.

Ală anih tac xăng zờu ơm ing ờ lơh broă gơ ơm tàm uă tiah bè ală kơnhoàl Cư Mgar, Krông Năng, Buôn Đôn, ƀòn dờng Buôn Ma Thuột. Tàm tơngai tus, Kụk atbồ drà kă bro càr Dăk Lăk geh sơlơ tơnguh broă lòt sền broă lơh tac bro xăng zờu nàng di tŭ geh ală jơnau dăn, jơnau đơs nàng tă bơsong kal ke ai ală mpồl lơh sa kă bro in, mờ kung gờñ git gŏ mờ lơh glài kràñ ală cau sơmờm kờñ geh kuơ, prap xăng zờu dilah geh.

Cau mblàng K’Duẩn