VOV4.K’ho- Càr Dăk Lăk gam dơ̆ sơnrờp lơh tơrlòng lài tam gơl sồ kấp xã tàm xã Hòa Phú ƀòn dờng Buôn Ma Thuột mờ xã Phú Lộc, kơnhoàl Krông Năng. Cồng nha bơh sơnrờp pà gŏ broă tam sơl sồ neh lơh geh ală cồng nha geh ngan. Ală tơngume tam gơl sồ gam geh lam lơh tàm 2 xã lơh tơrlòng lài bơh càr Dăk Lăk dê, tàm hơ̆ geh: bơt bơtàu gơnoar sồ; bơtàu tơnguh lơh sa sồ, bơtàu tơnguh mpồl bơtiàn sồ. Tơrgùm tàm ală broă lơh tìp mat tơm bơh bơr mờ làng bol; bơto bơtê ngăc ngar; lơh sơnơm ngăc ngar mờ yal tơngĭt mat kă bro tiah do dê.

Lơh tơrlòng lài tam gơl sồ kấp xã tàm Dăk Lăk

Tơnơ̆ 1 nhai lam lơh, kwang đơng lam bồ 2 xã lơh jat broă lơh tơrlòng lài neh hời rơ hời sơlơ tơnguh lơh broă bal đah làng bol, mpồl lơh sa kă bro mờ gơnoar atbồ. Tàm hơ̆, dong kờl làng bol, mpồl lơh sa kă bro in gĭt mờ ngui ƀuơn ngan rlau jơh ală ứng dụng, broă drơng geh kwơ, nàng kờñ tơnguh uă rài kis phan bơna, nùs nhơm ai làng bol in.

Cau mblàng K’Hạnh