Mùl màl, tàm 9 nhai nam 2023, mpồl Kảñ sát gùng lòt Kwang àng càr Dăk Lăk neh git gŏ mờ lơh sră lơh glài 36 rbô 258 nă cau lơh tìs tàm gah gùng lòt ù gờl, tàm hơ̆ geh 8 rbô 650 nă cau măi rơndeh oto, rơndeh măi gơtìp git gŏ tàm să geh ñô ơlak, bièr tŭ đì rơndeh (geh mờr 23,9% tàm kờp jơh khà cau lơh tìs). Pal đơs là geh uă cau ñô ơlak măi rơndeh oto lơh tìs khà angkol gơtìp mpồl lơh broă geh gơnoar lơhg lài khà jơnhua ngan rlau jơh mờ khà priă 40 tơlak đông. Tàm khà ală cau lơh tìs geh uă cau là kwang bàng, đảng viên, công chức, viên chức.

Nàng gàr lơngăp lơngai lòt rê tàm gùng ù gờl tus jơh nam 2023, mpồl Kảñ sát gùng lòt Kwang àng càr Dăk Lăk neh lơh broă rơndap lơh ai cau lơh broă, phan bơna sơlơ tơnguh broă lơh lòt sền, gròi sền tàm ală gơl gùng dờng, gùng càr, ală tiah sùm gơlik geh broă lơh tìs; sùm lam lơh ală anih sền sơ wì broă lơh tìs bè angkol, ma tuý… Bơh hơ̆, lơh glài kràñ ală cau măi rơndeh ñô ơlak, bièr, ngui ma tuý, nàng kờñ tơrmù lơyah ngan rlau jơh rềs àr gùng lòt gơ rềng tus bơta do.