VOV4.K’ho- Mho ngai 05/10, Mpồl tam klac ơruh pơnu Việt Nam càr Dăk Lăk bơyai lơh mut lơh dar sơn rờp dơ̆ pơrlòng sơn đờm mut lơh broă, sơn đờm kă bro càr Dăk Lăk nam 2022. Tơnơ̆ rlau 2 nhai lam lơh, dơ̆ pơrlòng sơn đờm mut lơh broă, sơn đờm kă bro càr Dăk Lăk nam do neh dờp geh 100 rơndap broă tus bal pơrlòng bơh ală cau pơrlòng, mpồl cau pơrlòng tàm càr mờ bơdìh càr tus bal. Ală rơndap broă gơ wèt uă gah, uă broă lơh bè: lơh sa kă bro lơh sa suơn suơn sre, ròng phan, tam phan, kă bro broă drơng ala.

Cau pơrlòng yal rơndap broă sơn đờm mut lơh broă mờ phan bơna lơh mờ tê

Bơh dar rơwah, mpồl bơyai lơh neh rơ wah 80 rơndap broă tus bal mblàng yal loh tơn tàm dar sơn rờp. Bi Y Lê Pas Tơ, Phó Ƀí thư Thường trựk Tỉñ đoàn, Củ tịc Mpồl tam klac ơruh pơnu Việt Nam càr Dăk Lăk pà git, tơnơ̆ 3 dơ̆ bơyai lơh, dơ̆ pơrlòng nam do ai gŏ bơta rơcang lài nền nòn ngan bơh ală cau pơrlòng dê mờ ală rơndap broă lơh neh geh lơh ngan ngồn mờ ală phan bơna ngan ngồn.

VOV Tây Nguyên- Cau mblàng K’Duẩn