VOV4.K’ho- Mho ngai 19/05, Hội đồng Ñân zân càr Dăk Lăk bơyai lơh dơ̆ pơrjum tơngume is dơ̆ 2, Hội đồng Ñân zân càr khoă X nàng sền swì sră yal, jơnau yal lùp sền, pờ tê dùl nùs ring bal Kơrnoăt bè broă ai priă bơh kes priă càr dê lơh Rơndăp broă lơh lơh gùng rơndeh ntoăt răt Khánh Hoà- Buôn Ma Thuột, tơngai dơ̆ dùl.

Ală kwang bàng dùl nùs bal ring bal Kơrnoăt bè broă ai priă bơh kes priă càr dê lơh Rơndăp broă lơh lơh gùng rơndeh ntoăt răt Khánh Hoà- Buôn Ma Thuột (tơngai dơ̆ dùl)

Tàm dơ̆ pơrjum, Hội đồng Ñân zân càr Dăk Lăk neh dùl nùs ring bal Kơrnoăt bè broă ai priă bơh kes priă càr dê lơh Rơndăp broă lơh lơh gùng rơndeh ntoăt răt Khánh Hoà- Buôn Ma Thuột (tơngai dơ̆ dùl) là rlau 916 tơmàn đong. Hội đồng Ñân zân càr Dăk Lăk sồr Ủy ƀan Ñân zân càr pal sền swì, đơs broă tơrgùm priă dia ƀòn lơgar dê nàng geh gùng dà tam pà, ngui priă jền tàm ală nam pơn jăt tai, pal lơh sir ală rơndăp broă lơh jăt di tơngai; rơcăng lài priă jền ai ală rơndăp broă lơh jal mhar in nàng lơh jăt Kơrnoăt bơh Hội đồng Ñân zân càr dê geh cồng nha uă ngan rlau jơh.

Cau mblàng Lơ Mu K’Yến