Bulah khà broă lơh tìs bè ồs đèng tàm càr Dăk Lăk kung gam tàm khà uă mơya jơh ală ndrờm geh git gŏ, bơsong di tŭ, ờ lời gơlik geh broă lơh tìs dờng. Tŭ do, Dăk Lăk mờ ală càr Tây Nguyên tàm tơngai prang duh ngan, bal mờ ală broă lơh lòt sền, jat sền, gàr lơngăp lơngai, gah ồs đèng Dăk Lăk kung sơlơ tơnguh rlau broă mblàng yal tus làng bol bơta chài ngui đèng lơngăp lơngai, tềm pềr, geh cồng nha, mờ kung hơ di tŭ ală jơnau lùp bơh cau ngui đèng dê gơ rềng tus sră yal priă đèng pah nhai.

Ală mpồl kung mhar sền sơ wì, sền wơl ală cau geh tềl tơngŏ khà ngui đèng gơguh halà gơmù nisơna, di tŭ git gŏ ală bơta ờ niam tơnơ̆ kông tơ kung bè ală broă lơh tìs tàm broă ngui đèng.