VOV4.K’ho- Hìu bơsram Kao đẳng Kông thương Việt Nam gơwèt Ƀộ Lao động, Thương ƀiñ mờ Xã hội anih bơto tàm càr Dăk Lăk neh bơyai lơh Dơ̆ jàu priă dong kờl bơsram ai kơnòm bơsram rƀah sơrlèt gan kal ke in, kĭ hơ bơto ai mpồl cau lơh broă mờ dờp phan ngui tàp lơh geh dong kờl bơh ală mpồl lơh sa kă bro.

37 bơnah priă dong kờl bơsram, kờp priă tơl bơnah priă dong kờl bơsram bơh 1 tơlak tus 1 tơlak 500 rbô đong neh geh ală cau dong kờl jàu tơn ai ală oh là cau bơsram dờng rƀah sơrlèt gan kal ke in, dong ală oh iang nùs rlau tàm broă bơsram sră, bơsram tàp tàm hìu bơsram. Tàm dơ̆ bơyai lơh, ồng Tô Viết Tài, Phó Kwang ătbồ Hìu bơsram Kao đẳng Kông thương Việt Nam, drơng kơnòl broă anih bơto tàm Dăk Lăk pà gĭt, Hìu bơsram gam lơh jăt broă lơh bơto bơtê gơ jăt bal mờ mpồl lơh sa kă bro nàng jòi geh broă lơh ai cau bơsram dờng lik klờng in bơh broă kĭ hơ 100% cau bơsram dờng geh broă lơh tơn tŭ lik klờng mờ priă nhai uă. Den tàng bè hơ̆, ală gah broă lơh bơto bơtê geh sac rwah dipal mờ jơnau kờñ ngan ngồn bơh càr dê.

Cau mblàng Lơ Mu K’Yến