VOV4.K’ho- Ngai 10/05, Anih tờm Kơlôi sơnơng mhàm mờ Tơmŭt mhàm càr Dăk Lăk pơgồp bal mờ ală anih, ală tiah bơyai lơh Broă lơh pà mhàm dong kờl is dơ̆ dùl nam 2022 tàm kơnhoàl Cư Kiuñ.

Ală cau geh nùs nhơm dong kờl is tus bal ngai chờ pà mhàm

Mờ tơngume “Pà ntờc mhàm pơrhê jàu bơta kis”, ngai chờ neh gơhòi gơ jà rlau 500 nă cau tus bal is là kwang bàng, kông cưk, viên cưk, cau lơh broă, đoàn viên ơruh pơnu mờ làng bol kơnhoàl Cư Kuiñ cih mat tus bal pà mhàm. Broă lơh neh dờp geh rlau 310 kơldung mhàm jun tus Hìu sơnơm dờng tiah Tây Nguyên in nàng drơng ai jơnau kờñ dong kờl sơm kòp kơn jơ̆ mờ sơm kòp ai cau kòp in.

Cau mblàng Lơ Mu K’Yến