Bal mờ yal tơnggĭt bè ală bơta pa bơh Adăt Sền gàr gơnoar kwơ cau ngui sa dê nam 2023 (geh ai ngui bơh ngai 01/07/2024), Cribơyai do neh lời uă tŭ jiơ mblàng sền ală kal ke, ờ hềt dipal tàm broă lơh sền gàr gơnoar kwơ cau ngui sa dê.

Jăt ală cau ala măt đơs, tơngai do, broă lơh do gam mpờl gŏ uă bơta ờ pràn, bơh broă tơngguh uă bơta gĭt wă bè sền gàr gơnoar kwơ cau ngui sa ai jơh gùt mpồl bơtiàn in; ală broă bè ngui sa kơ̆ kơl jăp, ngui sa “tơlir”, kơryan phan ờ ngan…tus dì ală jơnau pa gơlik geh tàm ală tŭ mŭt gơrờm bal lơh sa mờ ală lơgar bè ală broă lơh ngkoàk, ai pà tơrmù giă ờ song, tăc phan pơrlồm ờ dipal, blơ̆ blăc mờ pơrlồm tàm internet mpồl bơtiàn…Jơh ală bơta do gơ sồr pal geh broă lơh pa nàng kờñ tơngguh tai cồng nha broă lơh sền gàr gơnoar kwơ cau ngui sa in.