Jat hơ̆, jơnau kờñ tơrgùm bal càr dê ai tơlik tàm tơngai bơh nam 2021-2030 là tơnguh uă rài kis phan bơna, bơta niam chài mờ nùs nhơm bơh làng bol lơh geh khà dimơ đau bơh jơh gùt lơgar dê, jat tàm ală bơta, bè: bơtàu tơnguh lơh sa- mpồl bơtiàn mhar, kơ̆ kơljap; bơt bơtàu Dăk Lăk gơ gơs tiah tờm, dùl tiah bơtàu tơnguh bơh tiah Tây Nguyên dê, mŭt gơ rờm bal mờ lơh bal jat gùng dà pờ mờ tiah do bal mờ tàm dunia.

Tus nam 2050, Dăk Lăk là tiah tus kờñ ngan, mờ tiah pal kis, sền gàr lơngap lơngai mờ bơta lơngap lơngai; geh rài lơh sa jat broă lơh gơguh lơh sa tơlir, gơnoar broă bơtàu tơnguh bơh càr dê geh tơnguh uă, broă lơh sa tàm mpồl 25 càr lam lài jơh gùt lơgar. Nàng lơh geh ală jơnau kờñ do, ồng Đinh Trọng Thắng, Vụ Trưởng Vụ Atbồ rơndap ù tiah, Ƀộ Kế hoạch mờ Đầu tư đơs là, Dăk Lăk pal sền gròi uă rlau tai tus broă tam pà ù tiah dùl bă loh làng, yal loh mờ song dơ̆ pă nàng pleh lơh rơndap rơndồl, lời hŭi halà lơh ờ niam ù tiah tàm tŭ bơtàu tơnguh.