Dăk Lăk: bơyai lơh dơ̆ cribơyai tơnguh uă bơta pràn jak tàm pơrlòng
Thứ bảy, 09:52, 17/08/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Drim ngai 16/08, Anih duh broă làng bol càr Dăk Lăk pơgồp bal mờ Mpồl Kă bro mờ Lơh sa mờ măi mok Việt Nam (VCCI) bơyai lơh dơ̆ cribơyai lơh niam wơl tiah kă bro, tơnguh uă bơta pràn jak tàm pơrlòng bơh càr Dăk Lăk dê nam 2024 mờ ală nam pơn jat tai.
Nam 2023, sơñio khà pràn jak tàm pơrlòng (PCI) bơh càr Dăk Lăk dê geh 64,46 điềm, ơm dơ̆ 51 tàm 63 càr, ƀòn dờng, gơguh 3,55 điềm mờ 9 khà pơndrờm mờ nam 2022. Tàm cribơyai, ala mat VCCI neh đơs bè broă lơh niam wơl tiah kă bro, wèt tus rài lơh sa tơlir mờ bơtàu tơnguh kơ̆ kơl jăp.
Mơkung mblàng, đơs bè cồng nha sơñio khà pràn jak tàm pơrlòng kấp càr mờ sơñiò khà tơlir kấp càr nam 2023 bơh gùt lơgar dê đơs bal mờ càr Dăk Lăk đơs is, kung bè yal tơngĭt ală mờng chài lơh broă mờ broă lơh geh ngan niam bơh ală tiah ndai dê tàm broă lơh niam wơl tiah bơcri priă kă bro nàng càr Dăk Lăk in kơlôi sơnơng mờ mut ngui.
Viết bình luận