Dăk Lăk bơyai lơh dơ̆ ies mờ tơ̆p ƀồc ntìng cau ling chơ̆t màng chơ̆t phi să tàm lơgar Campuchia
Thứ năm, 13:35, 23/05/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mho ngai 22/05, Tỉñ ủy, Hội đồng Ñân zân, Ủy ƀan Ñân zân, Ủy ƀan Mặt trận Dà lơgar Việt Nam càr Dăk Lăk bơyai lơh dơ̆ ies mờ tơ̆p ƀồc 27 ƀồc ntìng cau ling chơ̆t màng là ling dong kờl is mờ kwang bàng lơgar Việt Nam chơ̆t phi să tàm tiah tam lơh tàm lơgar Campuchia bơh ală rài tam lơh dê.
Tơnơ̆ mờr 7 nhai lam lòt jòi, mờ bơta dong kờl, pơgồp bal bơh gơnoar atbồ mờ làng bol càr Mondulkiri (lơgar Campuchia), ală cau ling chơ̆t màng geh jun rê tơ̆p tàm Ƀlàng tơ̆p ƀồc cau ling chơ̆t màng càr Dăk Lăk. Jơh ală ƀồc ntìng cau ling chơ̆t màng ndrờm ờ geh jơnau yal bè mat sơnđan, ƀòn tờm.
Thượng tá ồng Trịnh Ngọc Kiệm, Kwang atbồ Đội K51 (Mpồl lòt jòi rồ ƀồc ntìng mờ jun rê ƀồc ntìng cau ling chơ̆t màng Ling dong kờl is mờ kwang bàng jak chài lơgar Việt Nam) pà gĭt, kàl prang nam do krơi is ngan pơndrờm mờ pah nam, mơya mờ nùs nhơm jơh nùs uă ngan, Mpồl neh jòi, rồ ƀồc ntìng geh khà ƀồc ntìng cau ling chơ̆t màng uă ngan rlau jơh tàm 5 nam rê wơl hờ ndo.
Viết bình luận