VOV4.K’ho- Tàm 2 ngai (24 mờ 25/03), kơnhoàl Cư̆ Kuiñ, càr Dăk Lăk neh bơyai lơh Pơrjum kwang bàng ala măt Đoàn Ơruh pơnu Kộng sản Hồ Chí Minh dơ̆ 4, tơngai lơh broă bơh nam 2022- 2027. Do là mpồl tàm tiah jơi bơtiàn kòn cau dùl êt nă cau geh Tỉñ đoàn Dăk Lăk rwah lơh Pơrjum lơh tơrlòng lài. Jăt jơnau yal tàm pơrjum dờng, tàm 5 nam do, broă lơh đoàn mờ srơh ơruh pơnu tàm kơnhoàl Cư̆ Kuiñ neh lơh geh uă cồng nha niam ngan, bè: lơh mờ lơh niam wơl 31 nơm tiah, anih nhơl chờ hờp ai kơnờm dềt in, hìu kờñ gơboh kòn bơnus, hìu khăn quàng đỏ ai làng bol mờ kơnòm bơsram geh rài kis kal ke in.

Do là pơrjum dờng đoàn lơh tơrlòng lài tàm tiah jơi bơtiàn kòn cau bơh càr Dăk Lăk dê

Dong kờl mờ bơto pơlam, yal tơngĭt broă lơh ai 5 rbô 500 nă ơruh pơnu in mờ dong kờl 72 nă ơruh pơnu neh rlau lơh tìs glài gĭt gơjrañ sang glài rê ơm kis niam wơl. Bơyai lơh git nđờ jơ̆t ơdŭ bơto re dà mờ bơta bơta chài ơm kis ai kơnòm dềt in. Ală mpồl đoàn kung neh lơh geh 44 broă ơruh pơnu, mờ kờp jơh priă rlau 650 tơlak đong. Pơrjum dờng neh pồ geh Mpồl đơng lam Đoàn Ơruh pơnu Kộng sản Hồ Chí Minh kơnhoàl Cư̆ Kuiñ dơ̆ 4, tơngai lơh broă bơh nam 2022- 2027, geh 21 nă kwang bàng mờ pồ Ƀí thư tơn tàm Pơrjum dờng.

Cau mblàng Lơ Mu K’Yến