Pơrjum do geh ai jơnau đơs ală tơngume lơh jăt kơnòl broă nam 2022, gùng dà broă lơh mờ kơnòl broă nam 2023; broă lơh lòt sền, jăt sền mờ lơh jăt adat lơh glài tàm Đảng; Rơndăp ù tiah càr Dăk Lăk tơngai bơh nam 2021- 2030, gùng dà broă lơh tus nam 2050 mờ tam gơl, bơtơl Kơrnoăt lơh broă bơh Mpồl lơh jăt Đảng ƀộ càr khoă XVII, tơngai lơh broă bơh nam 2020- 2025.

Đơs tàm pơrjum, ồng Nguyễn Đình Trung, Kwang geh jơng tàm Đảng Dà lơgar, Ƀí thư Tỉñ ủy Dăk Lăk sồr ală kâp ủy Đảng anih lơh broă, ală tiah song dơ pă dờp sền ală jơnau ờ hềt di ờ hềt pràn jak nàng jòi gùng dà broă lơh bơsong. Mơkung rơcăng lài mờ lơh jăt kơnòl broă tờm nàng lam lơh jăt ală kơrnoăt broă lơh neh ai tơlik. Tàm hơ̆, tơrgùm lơh jăt Kơrnoăt sồ 23 bơh Ƀộ Cíñ trị dê bè gùng dà broă lơh bơtàu tơnguh lơh sa- mpồl bơtiàn tiah Tây Nguyên, Kơrnoăt lơh tơrlòng lài lơh gùng dà broă lơh krơi is ai ƀòn dờng Buôn Ma Thuột in, lam lơh ală rơndăp broă lơh tờm bơh càr dê, lơh jăt gơnoar ătbồ sồ, tiah drà ngăc ngar; bơsong jơnau ơm ing priă bơcri dà lơgar.