Pơrjum là bơta tờm kwơ màng tàm broă yal tơngĭt gah Kơphê Việt Nam đơs bal mờ kơphê Buôn Ma Thuột đơs is lơh tus bơta gĭt gơ̆p pa, brồ guh drà kă bro bal bơh gah kơphê dunia dê. Rlau 400 nă kwang bàng tus bơh Ƀộ Kông thương; Hiệp hội Kơphê Ka kao Việt Nam, ală Ƀộ, ngàñ Dà lơgar; ala mat Kwang đơng lam bồ ală càr, ƀòn dờng; ală đại sứ, tổng lãñ sự quán ală lơgar, mpồl cau, Ală mpồl dunia mờ ală mpồl lơh sa kă bro tam kơphê, lơh gơlik kơphê tus bal tàm dơ̆ pơrjum do.

Đơs tàm dơ̆ sơnđờm mut pơrjum, ồng Nguyễn Tuấn Hà- Phó Củ tịc Thường trực Ủy ƀan Ñân zân càr Dăk Lăk pà gĭt, tŭ do kơphê càr dê neh tăc mờ lơgar ndai tus rlau 70 lơgar mờ kơnhoàl ù tiah tàm dunia, neh geh Ƀộ Khoa học mờ Kông nghệ pà sră dờp sơñio ù tiah tam kơphê Buôn Ma Thuột mờ geh sền gàr dong kờl tàm 32 lơgar, kơnhoàl ù tiah tàm gùt plai ù. Pơrjum tàm tơrbŏ bal kă bro dunia dơ̆ sơn rờp geh bơyai lơh tàm tơngume dơ̆ lơh chờ Kơphê Buôn Ma Thuột, sơlơ đơs nền nùs nhơm jơh nùs bơh càr Dăk Lăk dê là ai kơphê Buôn Ma Thuột gơ gơs tiah tus bơh kơphê dunia dê. 10 sră nggal cih kah jơnau ring bal lơh broă bal đah ală mpồl lơh sa kă bro tàm càr mờ bơdìh càr tàm gah kơphê neh geh kĭ tàm dơ̆ pơrjum pơn jat tai pờ geh ală tơngai niam kă bro ai gah phan bơna kơphê, pơgồp bơnah đơs nền bơta kwơ phê dê, phan lơh geh bơh suơn sre Việt Nam neh mờ gam brồ guh ngài, geh tus ală  kơnhoàl ù tiah pa.