VOV4.K’ho- Mho ngai 28/8, dùl nă kwang đơng lam bồ Ủy ƀan Ñân zân xã Ea Tul, kơnhoàl Cư Mgar, càr Dăk Lăk yal, tàm xã pa gơlik geh dơ̆ bŭ dà nđàc sơngit ngan lơh 2 nă oh mi kòn bàr chơt. Ală oh gơtìp chơt geh pà git là 2 nă oh ơm tàm ƀòn Yao, xã Ea Tul, kơnhoàl Cư Mgar, càr Dăk Lăk.

Tơnau dà ƀòn Yao, tiah gơlik geh broă nđàc sơnggit ngan

12 jơ klo ngai, ngai 28/8, mè bèp 2 nă cau Y’Đ mờ Y’L ờ gŏ kòn rê sa den tàng lòt jòi. Tŭ tus tơnau dà ƀòn Yao, sền gŏ ào mpha mờ zep ală kòn dê hờ đăng gờl, pin geh broă ờ niam den tàng neh nggà hòi tơl nă cau tus dong kờl. Klo yal, uă cau mờ mpồl lơh broă geh gơnoar tàm ƀòn lơgar neh tus dong kờl jòi. Tơnơ̆ mờr 45 phuk, tơl nă cau jòi bàn ƀồc 2 nă sao tàm tơnau dà, tơnơ̆ hơ̆ dong kờl bal mờ hìu bơnhă bơyai lơh ies, tơp ală oh ờ bơtoah in. Geh git, tơnau dà ƀòn Yao ngui nàng ƀồm dà chi tam bơh làng bol tàm tiah do dê. Tơnau dà do neh geh pơng gàr mờ geh tồt ƀàng tơngkah là dà jrô ngòt rơngơt. Mơya tài lơ kañ, ală sao Y’Đ mờ Y’L kung gam mut nhơl ờm tàm do hơ̆ sồng gơlik geh broă jê nùs ngan.

Cau mblàng K’Duẩn