Tàm dơ̆ lơh broă, ala mat kwang đơng lam bồ ală sở, mpồl, gah broă lơh càr Dăk Lăk neh đơs uă kal ke mờ dan dà lơgar sền swì, tă bơsong kòl yan ai bơtàu tơnguh lơh sa mpồl bơtiàn tàm càr tàm tơngai tus. Tàm hơ̆, broă lài ngan lơh ală gùng lòt tàm tơrbŏ bal ală tiah ndai, tàm dơlam tiah Tây Nguyên. Gơ rềng tus lam lơh ală broă lơh jơnau kờñ dà lơgar, ală jơnau đơs dan Quôk hội sền swì, sồr ală ƀộ, gah broă lơh dà lơgar pơn jat tai kờp sền jơh ală sră nggal kơrnuat boh lam nàng pleh gơ tàm rơndap rơndồl.

Tàm dơ̆ lơh broă, ală kwang bàng kung dan bè uă tơngume gơ rềng tus ală gah: phan kuơ tàm ù, ƀảo hiểm, sền gàr adat boh lam, tam gơl wơl priă nhai, hìu ơm, dong kờl cau lơh broă, sa priă nhai dà lơgar ai gah bơto bơsram, broă lơh rơndap ù tiah, ngui ù… Mpồl kwang bàng Quôk hội càr Dăk Lăk cih dờp, tơrgùm jơh ală jơnau đơs nàng pơyua tus Quôk hội mờ ală Ƀộ, gah broă lơh dà lơgar in sền swì.