VOV4.K’ho- Ngai 25/01, tàm tiah tềl lời wơl kah yau dà lơgar dờng màng Hìu jàm Buôn Ma Thuột (càr Dăk Lăk) neh geh lơh dơ̆ pơrjum kah rơngal ală cau ling kăc màng lài do neh gơtìp kŭp jàm, pù pờng jañ bơsak mờ chơ̆t phi să tàm do.

Ală kwang bàng ala măt neh chu ñàng tàm dơ̆ bơyai lơh kah rơngal

Tàm nùs nhơm jơh nùs ki ngàm ngan bơh dơ̆ bơyai lơh kah rơngal dê, ală kwang bàng ala măt neh yal wơl bơhiàn kah yau pơnrơ ngan bơh jơnau ngai 25/01/1944 dê mờ pơdơng bơkàu, chu ñàng tơngŏ nùs nhơm kah rơngal wơl mờ gĭt ưn ngài uă ngan tus dà kơlhề dờng ơnàng ngan bơh ală cau ling kộng sản dê lài do neh gơtìp kŭp jàm, pù pờng mờ chơ̆t phi să tàm Hìu jàm Buôn Ma Thuột. Do là broă lơh tơngŏ nùs nhơm “Hùc dà kah tô dà”, bơto bơtê bơhiàn kăc màng, tơnguh uă bồ tơngoh gĭt wă, geh kơnòl bơh ală kâp, gah mờ jơh gùt mpồl bơtiàn dê, ngan là rơnàng kơnòm să tàm broă bơ̆t bơtàu mờ sền gàr Dà lơgar.

Cau mblàng Lơ Mu K’Yến