Tàm 2 ngai pơrlòng, 19 mpồl, 183 nă cau pơrlòng geh pơrlòng tàm 3 bơnah: còp să, bơsong bơta gơlik geh mờ lơh lèo Lam sồr làng bol chài. Tơngu me pơrlòng gơrềng bal tus jơnau git wă bè nùs nhơm, gùng dà broă lơh bơh Đảng, adăt boh lam bơh Dà lơgar mờ nùs nhơm Hồ Chí Minh dê bè broă lam sồr làng bol.

Ală bơta gơlik geh lam sồr làng bol tàm mùl màl neh geh bơsong tàm ală tiah, anih lơh broă, mpồl lơh broă. Tơrgùm tàm ală gah broă tam phà ù tiah, tam lah gơlik geh tàm làng bol dê; broă dong kờl kòn cau, jăt yàng; broă tơm ntrờn toh ù tiah. Jăt Mpồl bơyai lơh yal, dơ̆ pơrlòng “Lam sồr làng bol chài” nam do tàm ală anih lơh broă sră nggal kấp càr là broă lơh cíñ trị mùl màl tàm broă lam sồr làng bol. Bơh tŭ hơ̆, nàng tơnguh jơnau git wă, kơnòl broă ai kwang bàng đảng viên, kông cứk, viên cứk in tàm ală anih lơh broă sră nggal dà lơgar bè nùs nhơm, gùng dà broă lơh bơh Đảng, adăt boh lam bơh Dà lơgar bè broă lam sồr làng bol.