Tàm dơ̆ cribơyai, ala mat ală mpồl lơh broă neh yal ală jơnau cih tă pơgồp, jơnau đơs kơnòl broă, broă lơh gơwèt gah lơh broă, gah broă mpồl lơh broă jat sền nàng dong kờl mpồl lơh sa kă bro. Tàm hơ̆, geh ală broă lơh, bè: tơrmù priă tă ai mpồl lơh sa kă bro in, sơlơ tơnguh bơta pràn tus bal mờ ală priă càn dong kờl ờ sa priă cồng uă; bơsong bơta kal ke ală anih lơh broă tăc bro phan, dong mpồl lơh sa kă bro rề ơnàng drà kă bro; lơh geh tŭ tơngai niam, kơ̆ kơl jap lơh broă ai cau lơh broă in.

Bơdìh hơ̆, Cribơyai gam tơrgùm bơyai, cribơyai bè ală broă nàng kờñ dong kờl mpồl lơh sa kă bro in tam gơl pa, bơceh lơh, tơnguh uă cồng nha niam phan bơna, phan bơna kă bro; sơlơ tơnguh tam gơl sồ tàm mpồl lơh sa kă bro mờ bơtàu tơnguh mpồl lơh sa kă bro kông nghệ; dong kờl lơh gơlik mờ bơtàu tơnguh ală anih lơh sa bal, lơh gơlik phan, tăc bro phan bơna.