Do là dùl tàm ală Nghị quyết kuơmàng pa geh ală kwang bàng Hội đồng Ñân zân càr Dăk Lăk ring bal tàm dơ̆ pơrjum mìng dùl tơngume dơ̆ 12, Hội đồng Ñân zân càr khoă X, tơngai lơh broă bơh nam 2021 tus nam 2026. Kờp jơh priă tă lơh bơh “Rơndap broă lơh lơh 1 rbô 200 nơm hìu ơm ai hìu bơnhă rƀah, kal ke bè hìu ơm, hìu bơnhă geh sră dong kờl bơh dà lơgar, làng bol jơi bơtiàn dồ êt nă cau tàm càr Dăk Lăk” là 96 tơmàn đông. Tàm hơ̆, priă tă 60 tơmàn đông bơh Ƀộ Kwang àng hòi jà tă pơgồp, priă tă bơh càr Dăk Lăk dê là 24 tơmàn đông. 12 tơmàn đông gam wơl bơh Kwang àng càr Dăk Lăk pơgồp bal mờ kâp ủy, gơnoar atbồ ală kơnhoàl, thị xã, ƀòn dờng ai bơh kes priă kâp hơ đơm dê mờ ală bơnah tă pơgồp dipal ndai bơh mpồl bơtiàn dê. Tàm pơrjum mìng 1 tơngume dơ̆ 12, Hội đồng Ñân zân càr Dăk Lăk khoă X, ală kwang bàng neh ring bal “Nghị quyết dong kờl priă lơh 1 rbô 200 nơm hìu ơm ai hìu bơnhă rƀah, kal ke bè hìu ơm, hìu bơnhă geh sră dong kờl bơh dà lơgar, làng bol jơi bơtiàn dồ êt nă cau tàm càr Dăk Lăk in nam 2024” mờ khà dong kờl 24 tơmàn đông bơh kes priă càr dê.