VOV4.K’ho- Ngai 13/4, Hội Cữ thập đỏ càr Dăk Lăk bơyai lơh dờp broă ai pà dà lơh kloh khuẩn ai 400 hìu bơsram kâp 1 mờ mầm non tàm càr Dăk Lăk in. Tàm dơ̆ dờp, ala mat mpồl dong kờl neh jàu 10 rbô phan jroh rơnồng dờ, 13 rbô lít dà lơh kloh khuẩn mờ 15 nơm măi jồr lơh kloh dà, kờp priă rlau 4 tơmàn 500 tơlak đông. Khà phan bơna, măi mok do geh pà ai 400 hìu bơsram kâp 1 mờ mầm non tàm càr Dăk Lăk in.

Jat mò Trần Thị Phương Thu, Phó Củ tịc drơng broă Hội Cữ thập đỏ càr Dăk Lăk đơs, bal mờ khà phan bơna măi mok neh dờp, Hội Cữ thập đỏ càr pơgồp bal mờ mpồl dong kờl pơn jat tai lòt sền nàng rơ wah ală hìu bơsram tàm tiah sar lơgar ngài geh jơnau kờñ ngui măi jồr lơh kloh dà nàng dong kờl tai tàm tơngai tus.

Cau mblàng K’Duẩn