Mờ ală broă lơh lơh jat lam lơh, Mpồl neh dờp rlau 400 tơlak đong bơh ală mpồl lơh broă, mpồl cau mờ cau dùl nă să is dong kờl. Nhai dong kờl kòn bơnus nam do geh càr Dăk Lăk lam lơh tàm 3 tiah là kơnhoàl Krông Năng, Cư Mgar mờ ƀòn dờng Buôn Ma Thuột.

Jat hơ̆, tàm tơngai lơh uă ngan Nhai dong kờl kòn bơnus là nhai 5 do, ală kấp Mpồl Cữ thập đỏ rơ̆p lơh pràn mblàng yal jrô ơnàng làm uă tàm ală rơnàng làng bol bè ală bơta kwơ dong kờl kòn bơnus, tơrgùm lam lơh ală broă lơh, hòi jà ală mpồl cau, cau dùl nă să is tă pơgồp dong kờl ai nhai dong kờl kòn bơnus in; jàu pà phan, lơh hìu, lơh niam wơl 1 anih “Hìu bềp sàng goh- piang bơkah” tàm ală hìu bơsram mầm non, kấp 1. Dong kờl ết ngan rlau jơh 1 rơbô ù tiah tờm gơwèt mờ ală rài kis kal ke tàm càr dê. Tàm dơ̆ lam lơh, Mpồl Cữ thập đỏ càr Dăk Lăk neh dờp rlau 400 tơlak đong bơh ală mpồl lơh broă, mpồl cau, cau dùl nă să is tàm jơh gùt càr tă pơgồp, dong kờl ală cau kal ke in.