Tŭ do làng bol tam tờm sầu riêng tàm càr Dăk Lăk gam mŭt tàm tơngai tơnhào uă. Pah ngai geh git nđờ rơhiang nơm rơndeh container dờng mờ uă bơta rơndeh pơn diang, rơndeh kông nông, rơndeh Honda pơn diang plai sầu riêng lòt tàm ală gơl nàng nàng cèng tăc. Mpồl lơh broă geh gơnoar gam lơh pràn broă lòt sền, sền gròi, nàng gàr niam bơta lơngăp lơngai tàm gùng lòt.

Nàng gàr niam bơta lơngăp lơngai tàm gùng lòt, mpồl kảñ sát sền gàr gùng lòt neh ai jơh 100% khà cau lơh broă nàng tơnguh broă lòt sền, sền gròi bañ lời gơlik geh bơta lơh kòl gùng, rềs àr ha là tam tơm rơndeh tàm gùng; mờ sồr ală cau măi rơndeh container kĭ hơ bal lơh jăt nền nòn Adăt gùng lòt ù gờl, bañ pơn diang uă ir, ntoăt jờl, sơrlèt rơndeh ờ di gùng... Càr Dăk Lăk geh rơlao 22 rơbô 500 lồ ù tam tờm sầu riêng, tơrgùm uă ngan tàm ală kơnhoàl Cư̆ Mgar, Cư̆ Kuiñ, Ea Kar, Krông Búk, Krông Năng, Krông Păc, Ea H’ Leo mờ thị xã Buôn Hồ. Tàm hơ̆, rơlao 10 rơbô lồ gam ai tơnhào, khà geh nam 2023 do kờp dŭ geh 185 rơbô tấn plai.