Dăk Lăk gàr niam lơngăp lơngai lòt rê tàm gùng tàm dơ̆ ơm rlô Ngai sơntờm dà lơgar mờ Dơ̆ lơh chờ sầu riêng
Thứ sáu, 08:32, 30/08/2024
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV4.K'Ho - Dơ̆ ơm rlô chờ Ngai sơntờm dà lơgar 02/9 nam do, tàm càr Dăk Lăk geh lơh Dơ̆ lơh chờ sầu riêng dơ̆ 2. Đơs lài khà cau mờ rơndeh rơndồ lòt rê rơp gơguh uă, mpồl lơh broă geh gơnoar gam lam lơh ală broă lơh nàng gàr niam lơngăp lơngai.
Ală mpồl lơh broă geh gơnoar càr Dăk Lăk neh sồr mờ jat sền mờ ală mpồl kă bro jun pơndiang lơh jat nền nòn ală jơnau cih bơh adat boh lam dê bè lir loh làng giă priă, bơta broă drơng ala; gàr niam lơngap lơngai rơndap tap sèng; ờ lời gơlik geh bơta tàm jeh lơh gơ kòl tàm ală ƀlàng rơndeh ơm, ờ pơndiang uă ir cau, tơmù, rò nac ờ di anih geh ai… Mờ kung sơlơ tơnguh tai broă ơm gak, sơlơ lòt sền, sền sơ wì, lơh glài kràñ ală cau lơh tìs, ngan là tàm ală gùng rơndeh dờng 14 (gùng Hồ Chí Minh), gùng rơndeh dờng 26, 27.
Viết bình luận