VOV4.K’ho- Bơh bồ nam tus tŭ do, bơta rềs àr gùng lòt tàm Dăk Lăk gơmù ndrờm tàm jơh bal 3 broă jàu, là khà dơ̆ rềs àr gùng lòt kơn jơ̆, khà cau chơ̆t mờ cau sồt să. Ngan là, tàm rlau 8 nhai do tàm ù tiah càr Dăk Lăk gơlik geh 151 dơ̆ rềs àr gùng lòt kơn jơ̆, lơh chơt 112 nă, sồt să 76 nă.

Bơta rềs àr gùng lòt tàm Dăk Lăk tàm rlau 8 nhai nam 2022 gơmù ndrờm jơh bal 3 broă jàu

Pơndrờm dùl tŭ bal mờ nam lài gơmù 9 dơ̆, 11 nă cau chơ̆t mờ 35 nă cau sồt să. Gah lơh broă geh gơnoar càr dê gam lơh pràn ală broă lơh nàng gàr niam cồng nha lơh geh, ngan là tàm tơngai lài, tàm mờ tơnơ̆ dơ̆ ơm rlô Ngai Sơntờm dà lơgar 2/09 do. Ồng Bùi Văn Ngọc, Chánh Văn Phòng Mpồl Ờdo ờdă gùng lòt càr Dăk Lăk pà gĭt, Mpồl Ờdo ờdă gùng lòt Dăk Lăk neh cribơyai mờ Ủy ƀan Ñân zân càr đơng lam ală mpồl, bè: Thanh tra gùng lòt, Kảñ sát gùng lòt, Kảñ sát sền gàr bơta ờdo ờdă... sơlơ tơnguh lòt sền, sền gròi, lơh glài kràñ ală broă lơh lơh glài gùng lòt, lơh pràn broă mblàng yal tus ală rơnàng làng bol, ngan là tàm ală hìu bơsram nàng làng bol in lơh jat niam Adat gùng lòt ù gờl.

Cau mblàng K’Hạnh