Dăk Lăk geh 2 khà jờng dơ̆ pơrlòng “Kơnòm bơsram mờ jơnau gĭt wă ngui đèng niam lơngăp lơngai, tềm pềr mờ geh cồng nha”
Thứ tư, 08:01, 05/06/2024
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Kông ty Ồs đèng càr Dăk Lăk neh bơyai lơh jàu khà jờng ai ală kơnòm bơsram lơh geh cồng nha uă tàm dơ̆ pơrlòng “Kơnòm bơsram mờ jơnau gĭt wă ngui đèng niam lơngăp lơngai, tềm pềr mờ geh cồng nha”. Dơ̆ pơrlòng bơh Kông ty dờng Ồs đèng Tiah tàm gùl lơgar lam lơh bơh nhai 12 nam 2023 tus nhai 03/2024 tàm 13 càr mờ ƀòn dờng tàm tiah tàm gùl lơgar mờ Tây Nguyên.
Tàm kờp jơh rlau 58 rbô jơnau cih pơyua pơrlòng tàm pe tơngume (rùp wăc, video clip yal mờ video mblàng yal), tàm càr Dăk Lăk geh mờr 10 rbô 100 jơnau pơyua. Cồng nha, càr Dăk Lăk lơh geh 2 khà jơnhoa. Mùl màl, oh Vi Thị Thu Hà, ơdŭ 5A, Anih tờm Dong kờl bơtàu tơnguh bơto bơtê mờ mŭt gơrờm bal kơnòm dềt kuĕt kơlte càr Dăk Lăk geh khà bàr; ală oh Ngô Bảo Nam, Nguyễn Gia Hân, Hìu bơsram kâp dùl Lê Lợi, kơnhoàl Cư Mgar geh khà pơn jờng, kung tàm tơngume video clip yal.
Bal mờ bàr khà jờng dồ nă să is bơh Kông ty dờng Ồs đèng tiah tàm gùl lơgar dê jàu khà jờng, Ồs đèng càr Dăk Lăk kung jờng rơ 2 hìu bơsram geh kơnòm bơsram geh khà jờng.
Viết bình luận