Jat kơrnoat ngai 04/11/2023 bơh Thủ tướng Cíñ phủ dê, xã Nam Ka, kơnhoàl Lăk là dùl tàm 4 xã bơh càr Dăk Lăk dê geh dờp là xã tiah lơngăp lơngai bơh Dà lơgar dê tàm rài tam lơh dră wơl mờ lơgar Tây, lơgar Mỹ. Bal mờ hơ̆ gam geh 3 xã ndai, tàm hơ̆ geh: xã Ea Hiao, kơnhoàl Ea Hleo; xã Cư Pui, kơnhoàl Krông Bông mờ xã Dliê Ya, kơnhoàl Krông Năng. Mờ bơta ƀuơn geh glòm bơh ală bă brê dờng ơnàng, xã Nam Ka neh gơ gơs tiah sền gàr, dong kờl, jơm glòm ai mpồl ling kăc màng in, là pôs đồng kăc màng geh tiah geh rơndăp broă kwơ màng ngan tàm 2 dơ̆ tam lơh bơh jơi bơtiàn dê.

Tàm dơ̆ yal, Mpồl bơyai lơh neh jàu 23 bơnah phan pà ală cau neh tus bal tam lơh, lơh broă tàm ù tiah xã dê; ală hìu bơnhă cau ling sồt să, cau ling chơ̆t màng, cau geh màng mờ Dà lơgar mờ kăc màng mờ hìu bơnhă ròng, mpồn ală kwang đơng lam bồ kăc màng tàm rài tam lơh dê.