VOV4.K’ho- Drim ngai 05/06, ồng Mai Văn Thắng, Củ tịc Ủy ƀan Ñân zân xã Ea H’leo, kơnhoàl Ea H’leo, càr Dăk Lăk pà gĭt, tàm ù tiah xã dê pa gơlik geh dơ̆ bŭ dà bal nđàc sơngĭt ngan lơh 3 nă kơnòm bơsram Hìu bơsram kâp bàr Chu Văn An, xã Ea H’leo chơ̆t. Ală cau gơtìp chơ̆t geh gĭt là oh Trần Thị Kim Anh; Nguyễn Thị Hoài Bảo mờ Mã Cẩm Tú, jơh 3 nă oh do ndrờm deh nam 2010 mờ ơm kis bal tàm xã Ea H’leo, kơnhoàl Ea H’leo mờ là kơnòm bơsram ơdŭ 6 Hìu bơsram kâp bàr Chu Văn An.

Dơ̆ bŭ dà gơbàn tàm ƀùi mho ngai 04/06, tŭ 3 nă oh là Anh, Bảo mờ Tú tus bal dơ̆ tơn jơh nam bơsram tàm Hìu bơsram kâp bàr Chu Văn An sir, hơ̆ sồng tàm jà gơp lòt tus tiah geh dà croh Oóc tàm thôn 5, xã Ea H’leo, kơnhoàl Ea H’leo nàng nhơl. Tơnơ̆ tŭ rềs àr jê nùs gơbàn, ala măt gơnoar ătbồ xã neh tus còp, pơndờm pơnđiang, tam pà bal bơta muăt jrùm mờ jàu dùl bơnah priă ai cau hìu bơnhă in rơcăng ies tơp ƀồc ală oh in.

Cau mblàng Lơ Mu K’Yến