Ngai chờ kơphe ờ sa priă geh lơh di tàm dơ̆ mut lơh Chờ kơphe Buôn Ma Thuột dơ̆ 8 nam 2023. Ală hìu tac dà kơphe ờ sa priă ndrờm geh yồng ƀăng rôn nàng gơtùi đal git. Ală hìu tac dà kơphe ờ phàt sră, làng bol mờ nac nhơl chờ tus hìu tac dà kơphe ndrờm geh hùc dà kơphe ờ sa priă.

Jat khà kờp bơh Sở Kông thương dê, geh 472 hìu tac dà kơphe tàm gùt càr cih mat tus bal broă lơh jà nac hùc dà kơphe ờ sa priă tàm ngai 10/3. Tàm hơ̆ tàm ƀòn dờng Buôn Ma Thuột geh 352 hìu tac dà kơphe drơng tơn tàm hìu tac kơphe mờ 13 hìu tac dà kơphe ntrờn làm bă tiah tàm gùng Phan Đình Giót, sơnah ƀòn Tân Tiến.

Bal mờ drơng ờ sa priă dà kơphe tàm ngai 10/3, tŭ do geh rlau 50 hìu tac dà kơphe geh ai pà làng bol mờ nac nhơl chờ in hùc dà kơphe ờ sa priă bơh 2 tus 5 ngai tàm tơngai bơyai lơh chờ.