VOV4.K’ho- Tàm Hìu bơsram Đại họk Tây Nguyên (ƀòn dờng Buôn Ma Thuột, càr Dăk Lăk) neh geh lơh broă lơh pà mhàm dong kờl is Ngai rlô pơrhê dơ̆ 14 nam 2022. Bulah gam tàm tŭ kòp bơtờp gơbàn kal ke, gĭt nđờ rhiang nă cau bơsram dờng bơh hìu bơsram dê ờ gŏ ngòt tus bal pà mhàm.

Broă lơh gơhòi gơ jà uă ngan cau bơsram dờng tus bal pà mhàm dong kờl is 

Mờ jơnau đơs “pà mhàm dong kờl cau- Màng kis bơyô mờ añ dê”, broă lơh pà mhàm dong kờl is Ngai rlô pơrhê dơ̆ 14 nam do tàm hìu bơsram Đại họk Tây Nguyên gơhòi gơ jà uă ngan cau bơsram dờng tus bal. Tàm broă lơh, mpồl bơyai lơh neh dờp 606 kơldung mhàm. Hìu bơsram Đại họk Tây Nguyên kung là anih lồi dŭt, tơn jơh wơl Broă lơh Ngai rlô pơrhê tàm càr Dăk Lăk nam do. Tàm mờr dùl nhai nggùl pa do, broă lơh Ngai rlô pơrhê tàm Dăk Lăk neh dờp geh mờr 3 rbô 500 kơldung mhàm, pơyua tus ală hìu sơnơm mờ hìu sơnơm kơnhoàl tàm càr in nàng lơh geh jơnau kờñ mhàm ai dong kờl sơm kòp kơn jơ̆ mờ sơm kòp ai cau kòp in.

Cau mblàng Lơ Mu K’Yến