Dơ̆ pơrlòng pờ tơlik tơn tàm internet jòi git bè tam gơl wơl hàñ cíñ càr Dăk Lăk nam 2022 geh lơh bơh ngai 15/11 tus ngai 30/11/2022, geh 17 rbô 700 nă cau tus bal. Mpồl bơyai lơh neh jàu 1 khà jờng mpồl cau ai mpồl geh khà kwang bàng, công chức, viên chức mờ cau lơh broă tus bal pơrlòng uă ngan rlau jơh mờ 26 khà jờng cau dùl nă să is ai ală cau pơrlòng geh khà jơnau hơ di uă ngan rlau jơh, geh tŭ jơ pơrlòng mhar ngan rlau jơh.

Jat Ủy ƀan Ñân zân càr Dăk Lăk yal, dơ̆ pơrlòng ờ mìng pơgồp bơnah sơlơ tơnguh broă lơh mblàng yal tam gơl wơl hàñ cíñ mờ gam pơyua jơnau đơs niam ngan hơ̆ là “Nàng bơt bơtàu gơnoar atbồ càr Dăk Lăk tam gơl pa drơng làng bol in, tơl nă kwang bàng, công chức, viên chức pal bơsram is, sơlơ tơnguh jơnau git wă, tơnguh mờng chài lơh broă ờs mờng, nùs nhơm lơh broă”; ai làng bol lơh tờm, ai bơta niam nùs bơh làng bol dê lơh bơta đo was bơta niam broă lơh bơh mpồl kwang bàng lơh broă hàñ cíñ dà lơgar dê.