VOV4.K’ho - Tŭ do, ală mpồl lơh broă nhơl chờ, hìu ơm mờ ală hìu kă bro nhơl chờ tàm càr Dăk Lăk neh rơcang tơl ală bơta niam ngan nàng wă cau năc di tàm dơ̆ ơm rơlô ngai 30 nhai 04 mờ ngai 01 nhai 5.

Jăt Sở Văn hoá, Thể thao mờ Zu lịc càr Dăk Lăk yal, tus tŭ do, 225 hìu ơm, hìu cau năc ơm tàm ƀòn dờng Buôn Ma Thuột cau năc neh blơi lài mờr jơh anih ơm. Khà cau năc blơi lài anih ơm tus uă ngan bơh ƀòn dờng Hồ Chí Minh, Hà Nội mờ ală càr Khánh Hoà, Bà Rịa Vũng Tàu, Bình Dương, Bình Phước... Nàng cau năc geh dùl dơ̆ ơm rơlô chờ hờp mờ ờ do ờ dă, càr Dăk Lăk sồr ală mpồl kă bro nhơl chờ geh lir loh làng khà priă phan kă bro, broă lơh drơng ala mờ hơ ờ lời gơtìp broă gàr anih ơm, hìu ơm; tơnguh khà priă broă lơh drơng ala nàng jòi bơta geh kwơ ờ di pal. Bal mờ hơ̆, ală hìu kă bro sào sa pal sền kwơ tàm broă kloh niam ờ do ờ dă tàm phan sa. Bơdìh hơ̆ tai, ală mpồl kă bro nhơl chờ pal gàr niam ờ do ờ dă tàm broă rơcang sơndră mờ kòn Kovid-19; lơh jăt di pal mờ cau năc gơtìp F0 tŭ tus tàm càr Dăk Lăk.

Cau mblàng Ndong Brawl