Jat Mpồl lơh broă jơi bơtiàn kòn cau càr Dăk Lăk dê, jơh gùt càr tŭ do geh mờr 1 rơbô nă cau geh bơngă pin dờn tàm mpồl bơtiàn ală jơi bơtiàn kòn cau dùl ết nă cau. Do là ală cau ơm kis tơn tàm ù tiah làng bol ơm kis, gĭt loh bơhiàn mờ rài kis bơh làng bol kòn cau dê, lơh krơh niam tàm ală broă lơh lơh sa, niam chài rơgơi mpồl bơtiàn bơh hìu bơnhă mờ mpồl bơtiàn dê.

Tàm ală nam do, cau geh bơngă pin dờn neh gơ gơs mpồl cau tờm, là rƀàng tàm tơbŏ kwơ màng đah gơnoar atbồ mờ làng bol ală jơi bơtiàn kòn cau, pơgồp bơnah uă ngan tàm broă lơh hòi jà làng bol kòn cau ală jơi bơtiàn kòn cau dùl ết nă cau bơt bơtàu Đảng, gơnoar atbồ, ală anih lơh broă cíñ trị tàm Dăk Lăk. Tàm dơ̆ pơrjum, ală cau ala mat neh cribơyai bal, tam pà bal bơta mờng chài tàm broă lơh niam gơnoar broă bơh cau geh bơngă pin dờn tàm ală gah bơtàu tơnguh lơh sa- mpồl bơtiàn dê, sền gàr mờ ngui niam bơhiàn niam chài rơgơi ờs mờng, gàr niam sền gàr lơngap lơngai cíñ trị mờ rơndap tap sèng, lơngap lơngai mpồl bơtiàn tàm ală tiah. Di dơ̆ do, càr Dăk Lăk neh jờng rơ 100 nă cau geh bơngă pin dờn pơn rơ jak nam 2022.