VOV4.K’ho- Tỉñ đoàn Dăk Lăk pa bơyai lơh jờng rơ ơruh pơnu geh pơn rơ gơguh jak lơh jat jơnau bơto sồr Bác Hồ nam 2022. Broă lơh geh lơh uă broă lơh bè ràng tơlik sră “Sền sră mờ bơsram sră jơh rài kis jat krơh Bác Hồ kờñ gơboh”, lam lơh srơh sền sră online bơh broă quét mã QR. Ală kwang bàng neh tìp mat, lơh quèng mờ ơruh pơnu geh pơn rơ gơguh jak tàm broă bơsram mờ lơh jat Bác Hồ.

Di dơ̆ do, Tỉñ đoàn Dăk Lăk neh bơyai lơh jàu khà jờng dơ̆ pơrlòng bơceh pa rùp pơn yơu mờ jơnau đơs crih mblàng yal pơrjum jờng Đoàn Ơruh pơnu Kộng sản Hồ Chí Minh càr Dăk Lăk dơ̆ 12; ala mat Ƀan Cấp hàñ Đoàn dà lơgar jàu khà jờng Lý Tự Trọng ai kwang bàng Đoàn geh pơn rơ geh cồng nha jak ngan; jờng rơ 45 nă ơruh pơnu geh pơn rơ gơguh jak tàm broă bơsram mờ lơh jat jơnau bơto sồr Bác Hồ càr Dăk Lăk.

Cau mblàng K’Duẩn