Dăk Lăk: jờng rơ 56 mpồl cau, cau dùl nă să geh cồng nha jak ngan bơt bơtàu tiah nhàr lơgar
Thứ bảy, 09:41, 27/01/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mho ngai 26/01, tàm ƀòn dờng Buôn Ma Thuột, Ủy ƀan Ñân zân càr Dăk Lăk bơyai lơh pơrjum sền wơl 5 nam lơh jat “Ngai jơh gùt làng bol sền gàr tiah nhàr lơgar” mờ jờng rơ 56 mpồl cau, cau dùl nă să geh cồng nha jak ngan tàm broă bơt bơtàu tiah nhàr lơgar kơ̆ kơl jăp, pràn kơl dang, tơngai bơh nam 2019-2024.
Pram nam do, ală Pôs đồng ling sền gàr tiah nhàr lơgar, Mpồl ling pơlam tàp càr Dăk Lăk neh dong kờl 49 nă kơnòm bơsram geh rài kis kal ke tàm broă lơh “dong kờl oh lòt bơsram” mờ “Kòn ròng pôs đồng ling sền gàr tiah nhàr lơgar”; bơyai lơh dong làng bol 8 rơbô 360 ngai lơh broă; lơh 86 nơm hìu tam klăc bal kờp priă 8 tơmàn 600 tơlak đong.
Ồng Võ Văn Cảnh - Phó Củ tịc Ủy ƀan Ñân zân càr Dăk Lăk cih dờp, jờng rơ mpồl ling sền gàr tiah nhàr lơgar, làng bol tàm tiah nhàr lơgar, ală cau dùl nă să, mpồl cau neh geh cồng nha jak ngan tus bal bơt bơtàu tiah nhàr lơgar kơ̆ kơl jăp, pràn kơl dang tơngai bơh nam 2019-2024. Lơh jat cồng nha neh lơh geh, ồng Võ Văn Cảnh đơs sùm bàr pe kơnòl broă tờm tàm broă lơh sền gàr tiah nhàr lơgar tàm tơngai tus.
Viết bình luận