Jat kơrnoat, 2 mpồl lơh broă rơ̆p pơgồp bal tàm broă lơh mờ lam lơh ală gùng dà broă lơh, broă rơndăp lơh lơh jat nàng gàr niam broă pờ ồs đèng, tềm pềr ồs đèng mờ tơrmù hoàc huơr ồs đèng; pơn đơl pràn lơh ngan pah nam tềm pềr ồs đèng geh ết ngan rlau jơh 2% kờp jơh khà ồs đèng ngui tàm càr Dăk Lăk dê. Bàr gah rơ̆p lơh pràn ală broă lơh mblàng yal tềm pềr ồs đèng, cribơyai bal, dan mờ Ủy ƀan Ñân zân càr pà khà jờng ală cau dùl nă să in, lam lơh jat niam mờ geh broă lơh lơh glài gơwèt mờ ală mpồl lơh broă lơh tìs mờ kơrnoat tềm pềr ồs đèng.

Sở Kông thương càr Dăk Lăk mờ Gah ồs đèng càr Dăk Lăk kung pơn jat tai lam lơh lòt sền, jat sền bơta ngui ồs đèng gơwèt mờ ală anih ngui ồs đèng tờm ngan. Tềng đăp mat, 2 mpồl lơh broă neh lam lơh dơ̆ pơrlòng “Hìu bơnhă tềm pềr ồs đèng nam 2024” mờ jơnau kờñ bơt bơtàu rùp hin hìu bơnhă geh rài kis tơlir, sàng goh, niam jak bơh broă ngui ồs đèng lơngăp lơngai, geh cồng nha mờ tềm pềr.