VOV4.K’ho- Ngai 14/02, ală hìu bơsram mầm non, kấp 1 tàm càr Dăk Lăk ngan ngồn rò kơnòm bơsram tus hìu bơsram tơnơ̆ rlau 8 nhai bơsram pờ tơlik tơn tàm internet. Bulah neh geh bơta rơcang lài bè nùs nhơm tŭ ai kòn lòt bơsram wơl mơya mè bèp kung gam rơngòt tài kơnòm dềt mầm non, kấp 1 ờ hềt geh cit sơnơm vaccine, ờ hềt git ơm yah ngài den tàng kal ke ngan nàng ală oh in lơh jat jơnau sồr bè rơcang sơndră kòp bơtờp.

Nàng lam lơh bơto bơsram tơn ờdo ờdă mờ geh cồng nha, lài hơ̆ Sở Giáo zụk mờ Đào tạo càr Dăk Lăk neh lam lơh ală mpồl lòt sền ngan ngồn tàm ală hìu bơsram, sồr gàr niam ală bơta pal geh, rơndap broă niam ngan rlau jơh tàm broă rơcang sơndră kòp. Nam bơsram 2021- 2022, càr Dăk Lăk geh rlau 1 rbô hìu bơsram bal mờ rlau 450 rbô nă kơnòm bơsram tàm ală kấp bơsram. Tŭ do, jơh ală kwang bàng, cau pơgru, cau lơh broă tàm gah bơto bơsram càr Dăk Lăk neh geh cit êt ngan rlau jơh 2 ding sơnơm vaccine kòp Kovid-19 mờ geh rlau 20% neh geh cit ding dơ̆ 3.

Cau mblàng K’Duẩn