Tàm 06 nhai bồ nam do, broă lơh sa- mpồl bơtiàn bơh càr Dăk Lăk dê pơn jăt tai gàr sùm mờ bơtàu tơngguh. Jơh ală broă jàu geh khà gơguh uă, hòi tơrgùm priă bơcri jơh gùt mpồl bơtiàn, kờp jơh priă geh bơh tăc phan mờ lơgar ndai, kờp jơh priă geh bơh drơng broă lòt nhơl gơguh pơndrờm dồ tŭ bal mờ nam lài. Kờp jơh tơm dồs priă dia dà lơgar geh rlau 60,8% kờp dŭ lài Dà lơgar dê jàu mờ rlau 50% kờp dŭ lài Mpồl duh broă Làng bol càr dê jàu, gơguh 8,8% pơndrờm bal dồ tŭ mờ nam lài. Jăt ală cau ala măt dê đơs, mờ jơnau kờñ gơguh lơh sa bơh càr Dăk Lăk dê bơh 6 tus 6,8% tàm nam 2024, kơnòl broă gam wơl tàm 6 nhai lồi nam là kơn jơ̆ ngan.

Nàng lơh geh khà gơguh do den pe broă lơh sa tờm là broă lơh sa sươn sre, broă lơh brê bơnơm, phan tàm dà; lơh sa mờ măy mŏk bơ̆t bơtàu; kă bro phan; drơng broă pal bơtàu tơngguh di gùng mờ jòi lơh bơta pràn bơta ƀươn dipal mờ bơta geh ngan bơh tiah he dê.