VOV4.K’ho- Di tơngkah kir sơnrai 67 nam ngai cau lơh sơnơm Việt Nam (27/02), ngai 25/02, mpồl kwang bàng bơh Tỉñ ủy, Ủy ƀan Ñân zân càr Dăk Lăk neh lòt còp, nting bơr gờm chờ kwang đơng lam bồ, mpồl y bák sĩ bơh Sở Y tế, anih tờm gròi sền kòp tê jê să càr mờ hìu sơnơm dờng tiah Tây Nguyên. Tàm Sở Y tế, ồng Nguyễn Đình Trung, Ủy viên Đảng dà lơgar, Ƀí thư Tỉñ ủy neh iat kwang đơng lam bồ Sở Y tế yal 2, 3 broă lơh bơh gah do dê tàm tơngai lài. Tềng đap bơta kòp Kovid-19 gơlik geh kal ke mờ jŏ jòng, Sở Y tế neh mờ gam hòi jà tơl bơta pràn tă pơgồp nàng drơng broă lơh rơcang sơndră kòp, sền gròi kòp Kovid-19.

Tŭ do, jơh ală hìu sơnơm, anih tờm lơh sơnơm kấp kơnhoàl ndrờm crơng gơs anih sơm kòp Kovid-19 nàng dờp mờ sơm cau kòp Kovid-19 jat broă lơh anih lơh sơnơm “ờ mìng sơm kòp bè ờs mờ gam sơm cau kòp Kovid-19 in tai”. Đơs tàm dơ̆ lơh broă, ồng Nguyễn Đình Trung pơyua jơnau nting bơr gờm chờ tus jơh gùt kwang bàng, kông cứk, viên cứk mờ cau lơh broă gah lơh sơnơm; cih dờp ală cồng nha mờ gah do neh lơh geh tàm nam pa do neh pơgồp bơnah kuơmàng ngan nàng càr lơh gơs ală jơnau kờñ bơtàu tơnguh lơh sa- mpồl bơtiàn, kuơmàng là gròi sền kòp Kovid-19 tàm càr.

Cau mblàng K’Duẩn