Mờ tơngume “Kơp kờñ bơt bơtàu càr Dăk Lăk pas sơm, niam bơnĕ, gơguh jak, niam chài”, dơ̆ tàm pơrlòng kuơmàng gờm chờ tơngkah 120 nam ngai crơng gơs càr tơrgùm tàm ală tơngume tờm ngan, bè lơh ngan lơh gơs tơl làm mờ sơrlèt rlau ală broă jàu, kơnòl broă jat nùs nhơm Nghị quyết Pơrjum dờng Đảng ƀộ càr dơ̆ 17 mờ ală kơnòl broă bơh Tỉñ ủy, Ủy ƀan Ñân zân càr jàu; pơn jat tai sơlơ tơnguh mhar tơngai lam lơh ală broă lơh, rơndap broă kuơmàng, ală broă lơh jơnau kờñ dà lơgar. 

Jat hơ̆, bơyai lơh geh cồng nha ală srơh tàm pơrlòng nàng lam lơh sir mờ lơh gơs sơrlèt rlau ală broă jàu, kơnòl broă geh jàu nam 2024; pơgồp bal mờ lam lơh bơsram mờ lơh jat bồ tơngoh, rài kis Hồ Chí Minh; geh broă rơndap lơh bơt bơtàu anih lơh broă, mpồl lơh broă, ƀòn lơgar bơtàu tơnguh kơ̆ kơljap, pràn kơldang gơ jat bal mờ lam lơh broă lơh rơcang sơndră sa kuề sa kuà mờ bơt bơtàu lơh niam wơl Đảng.