VOV4.K’ho- Tàm xã tiah sar lơgar ngài Krông Nô, kơnhoàl Lăk, càr Dăk Lăk, Tỉñ đoàn Dăk Lăk bơyai lơh Pơrlòng mblàng yal adat boh lam, rơcang sơndră broă lơh tìs tàm mpồl bơtiàn tàm đoàn viên ơruh pơnu, kơnòm pa tàu nam 2022. Do là broă lơh nàng kờñ tơnguh jơnau git wă bè adat boh lam bơh đoàn viên ơruh pơnu mờ làng bol tàm ală tiah sar lơgar ngài dê. Tus bal pơrlòng geh 50 nă cau là đoàn viên ơruh pơnu tàm xã Krông Nô, kơnhoàl Lăk.

Đoàn viên ơruh pơnu bơceh pa mblàng yal jat broă lơh lơh gơs jơnau lơh lèu

Mờ 2 bơnah pơrlòng là jơnau git wă mờ bơceh pa, cau tàm ală mpồl pơrlòng geh jòi git jơnau git wă bè tơngume kuơmàng mờ ală sră nggal bơtơl, tam gơl bơh Adat Gùng lòt ù gờl dê; Adat Ơruh pơnu tam gơl, bơtơl nam 2020; Adat Kơnòl ling klàng; Adat rơcang sơndră ma túy; Adat rơcang sơndră bơta aniai iù dê. Bal mờ hơ̆, ală đoàn viên ơruh pơnu gam tus bal ală bơta nhơl ñŏ jơng tê; jòi git bè ală bơta sră cih bè jơnau git wă adat boh lam.

Cau mblàng K’Duẩn