VOV4.K’ho - Drim òr (27/02), tàm xã Drai Bhăng, kơnhoàl Cư̆ Kuiñ, Tỉñ đoàn Dăk Lăk bơyai lơh lik lơh broă Nhai ơruh pơnu nam 2022. Tàm dơ̆ lam sồr, Tỉñ đoàn Dăk Lăk neh jào pà broă lơh sòl àng gùng ƀòn tàm xã Ea Tiêu mờ broă lơh “Krơh sòl 3 niam” tàm hìu bơsram kấp 3 Y Jut.

                      Jào pà rơndeh coh ai ală kơnòm bơsram sơrlèt mờ kal ke bơsram jăk in

Bơcri khà priă 150 tơlăk đong nàng ai broă lơh ơruh pơnu tàm kơnhoàl Cư̆ Kuiñ in. Jào 1 nơm hìu dong kờl mờ pà 40 pò phan (tơl pò phan geh 300 rơbô đong), 20 nơm rơndeh coh ai ală hìu nhă gơtìp kal ke mờ kơnòm bơsram sơrlèt mờ kal ke bơsram jăk in. Huyện đoàn Cư̆ Kuiñ kung neh jào 1 nơm hìu dong kờl ai hìu rơƀah, 1 broă lơh ƀlàng nhơl ai kơnòm pa tào mờ kơnòm dềt in, mŭt lơh 1 ƀlàng nhơl bơlai.

Cau mblàng Ndong Brawl