Neh geh mờr 500 broă lơh ơruh pơnu geh lơh mờ kờp priă mờr 7 tơmàn 800 tơlak đong. Do là ală cồng nha pơn rơ ngan geh yal tàm pơrjum tơn jơh broă lơh Ơruh pơnu dong kờl is kàl rơbô bơkang nam 2023 bơh Tỉñ đoàn càr Dăk Lăk dê geh bơyai lơh tàm lồi poh lài.

Mờ tơngume Rơnàng kơnòm să càr Dăk Lăk lam lài tàm broă tam gơl sồ, broă lơh Ơruh pơnu dong kờl is kàl rơbô bơkang càr Dăk Lăk nam do geh lam lơh mờ rlau 830 mpồl cau tus bal dong kờl is, 270 rơbô 400 dơ̆ đoàn viên, ơruh pơnu tus bal. Tàm 3 nhai bơh broă lơh dê, gùt càr neh lơh mờr 500 broă lơh Ơruh pơnu mờ kờp jơh priă lơh là mờr 7 tơmàn 800 tơlak đong. Ală broă lơh bơnah broă tơrgùm tàm ală broă lơh, bè: tus bal bơt bơtàu ƀòn lơgar pa, tiah drà ngăc ngar; sền gàr tiah ơm kis, rcang sơndră tam gơl trồ tiah; sền gàr niam rài kis mpồl bơtiàn, mpồl bơtiàn mờ sền gròi dong kờl ai kơnòm dềt in. Uă broă lơh tơrgùm tàm ală tiah sar lơgar ngài, tiah nhàr lơgar tàm ală kơnhoàl: Lăk, M’Drăk, Buôn Đôn, Ea Sup mờ Krông Bông.